മുകളില് നിന്ന് എല്ലാം ഒരാള് കാണുന്നുണ്ട് എന്നു കേള്ക്കുമ്പോള് ആകാശത്തു നിന്ന് ആരോ സദാ എത്തിനോക്കുന്നുണ്ട് എന്ന ഇമേജാണ് പലരുടെയും മനസ്സില് പതിയുന്നത്. ഭൂമിയില് സത്യവും സമാധാനവും വാഗ്ദാനം ചെയ്യുന്ന ആ വിശ്വാസത്തെ വിശ്വസിക്കുന്നവര്പോലും പൂര്ണമായി വിശ്വസിക്കാതിരിക്കാനോ അവിശ്വസിക്കാനോ ഇടയാക്കുന്നത് ആ ഇമേജാണ്. വ്യാഖ്യാനത്തിലെയോ ആഖ്യാനത്തിലെയോ സര്ഗാത്മകയില്ലായ്മയാണ് അത്തരം ഒരു ഇമേജ് സൃഷ്ടിച്ചത്.
മുകളില് നിന്ന് എല്ലാം കാണുന്ന ആ ആള് ഞാന് തന്നെയാണെന്നും ആ ഞാന് നീ തന്നെയാണെന്നും ഞാനും നീയും തന്നെയാണ് മുകളില് നിന്നു കാണുന്ന ആ ആള് എന്നും മുകളില് നിന്ന് എന്നു പറഞ്ഞാല് ആകാശത്തുനിന്നല്ലെന്നും സമഗ്രമായ കാഴ്ച ലഭ്യമാകുന്നതിന് ശരിതെറ്റുകളെ അതില് നിന്ന് അല്പം മാറി ഉയര്ന്ന തലത്തില് നിന്ന് നോക്കിക്കാണലാണെന്നും അതിനെ വിശദീകരിക്കുമ്പോള് ആ ഇമേജ് മാറുന്നതോടൊപ്പം ആ വിശ്വാസത്തിന് ഒരു വിശാലതയും അനുഭവപ്പെടുന്നു.
No comments:
Post a Comment